Suw sheshek degenimiz ne?
Suw sheshek — virus arqalı júǵatuǵın, júdá tez tarqalatuǵın infekciyalıq kesellik. Keselliktiń qozǵatıwshısı — Varicella-zoster virusı. Bul kesellik kóbinese balalarda ushırasadı, biraq úlken adamlar da júqtırıp alıwı múmkin.
Kesellik qalay júǵadı?
Suw sheshek tiykarınan hawa-tamshı jolı arqalı, yaǵnıy kesel adam sóyleskende, jótelgende hám túshkirgende bólinetuǵın mayda tamshılar arqalı júǵadı. Sonday-aq, teridegi kópirsheklerdiń ishindegi suyıqlıq penen baylanısqanda da júǵıwı múmkin.
Keselliktiń tiykarǵı belgileri
Deneniń qızıp ketiwi.
Bas awırıwı hám hálsizlik.
Teride qızıl daqlar payda bolıwı.
Qızıl daqlardıń ishinde suyıqlıq bar mayda kópirsheklerge aylanıwı.
Teride qıshıw seziminiń payda bolıwı.
Keselliktiń aldın alıw ilajları
Suw sheshek penen awırǵan adamdı basqalardan ajıratıp, úy sharayatında bólek saqlaw.
Kesel adam menen baylanısta bolǵan adamlardı medicinalıq baqlaw.
Bólimlerdi hám úydi úzliksiz samallatıp turıw.
Jeke gigiena qaǵıydalarına ámel etiw.
Kesellik belgileri payda bolsa, shipakerge múrájat etiw.
Kesel adamǵa qanday járdem beriw kerek?
Dárigerdiń kórsetpelerine ámel etiw.
Jetkilikli muǵdarda suyıqlıq ishiriw.
Tırnaqlardı qısqa alıw, terini qasımaw.
Dene temperaturasın baqlap turıw.
Óz betinshe antibiotik qollanbaw.
Juwmaq
Suw sheshek — aldın alıw múmkin bolǵan infekciyalıq kesellik. Keselliktiń tarqalıwınıń aldın alıw ushın hár bir insan jeke gigiena qaǵıydalarına ámel etip, kesellik belgileri payda bolǵanda óz waqtında medicinalıq járdemge múrájat etiwi kerek.
Eslep qalıń!
Óz densawlıǵıńızǵa juwapkershilik penen qaraw — ózıńızdı hám átirapıńızdaǵı adamlardı qorǵawdıń eń áhmiyetli jolı!
ШАҢАРАҚ БИР МОЧАЛКАДАН ПАЙДАЛАНЫЎЫ МҮМКИН БЕ? Ҳәр бир шаңарақтың өзине тән гигиеналық әдетлери болады. Айырым үйлерде ҳәмме бир мочалкадан пайдаланса, базылары ҳәтте мочалкадан бир мәртеден артық пайдаланбайды. Қайсы жағдай шынында да гигиена көзқарасынан туўры болса, базылары буған тек ғана әдетленип қалған, болғаны. «Шаңарақлық» мочалкадан пайдаланыў қаншелли дурыс? Буған микробиологлар жуўап береди. Гигиена қағыйдаларына гөре, ҳәр бир адамның жеке мочалкасы ҳәм сүлгиси болыўы шәрт. Тис щёткасын айтпаса да болады. Өйткени ҳәр ким өз микробиозы, бактерияларына ийе болып, олар өзи ушын ғана қәўипсиз. Бирақ басқаларға зыян жеткерип қойыўы мүмкин. Биз айырым микроорганизмлер менен «апақ-шапақ» болып жасаймыз. Олар бәрқулла бизиң микрофлорамызда болады. Егер де оған сырттан жат денелер түссе, ортада қарама-қарсылық келип шығады. Бул ақыбетинде қышыма ҳәм бөртпелер сыяқлы қолайсыз жағдайлардан үлкен кеселликлерге дейин себеп болыўы мүмкин. Әдетте мочалка қурғап үлгермейди, себеби ол ҳәрдайым ығал жерде турады. Сол тәризде ол бактериялар, соның ишинде Staphylococcus aureus (алтын рең стафилококк) көбейиўи ушын қолай шараят жаратады. Бул бактерия көплеген кеселликлерди келтирип шығарыўы мүмкин: безеў (угри) сыяқлы жеңил тери инфекцияларынан баслап менингитге шекем. Кеселлик жуқтырыўдың алдын алыў ушын айрықша мочалкадан пайдаланыў, ислетип болғаннан кейин жақсылап жуўып кептириў талап етиледи.
Шадлық гормонлары туўралы
Денсаўлықтың дәрежелери
Мәмлекетлик медицина қамсызландырыў механизмлерин енгизиў бойынша әмелге асырылатуғын ис-илажлар ҳаққында МАҒЛЫЎМАТ
Биз түрли кеселликлерге қарсы гүресиўде дәрилерге сүйенемиз. Сол себепли, ҳәр бир шаңарақта үлкен бе, киши ме дәри қутысы болады. Ҳәтте дәрилер менен емлениўге қарсы адамлардың үйинде де биринши медициналық жәрдемди көрсетиўге мөлшерленген дәри қутысы бар. Олардан ең керек ўақытларда пайдаланып, дәртимизди жеңиллестиремиз. Усы дәри-дәрмақлардың биз билмеген қандай зыянлары бар? Бүгинги тема тап усы ҳаққында…