Búgingi kúnde AIV infekciyası dúnya júzlik densawlıqtı saqlaw sisteması aldında turǵan áhmiyetli mashqalalardan biri bolıp esaplanadı. Bul kesellik haqqında durıs maǵlıwmatqa iye bolıw, onıń aldın alıw hám xalıq arasında xabardarlıqtı arttırıw hár bir insannıń salamatlıǵın qorǵawda úlken áhmiyetke iye.
AIV – adam immunitet sistemasına ziyan keltiretuģın virus. Virus organizmniń infekciyalarǵa qarsı gúresiw qábiliyetin tómenletedi. Eger óz waqtında emlenbese, ol arttırılǵan immunitet jetispewshiligi sindromı basqıshına ótiwi múmkin.
AIV qalay juǵadı?
AIV infekciyası tiykarınan tómendegi jaǵdaylarda juǵıwı múmkin:
• Qorǵanılmaǵan jınısıy baylanıs arqalı;
• Ziyanlanǵan qan yamasa qan ónimleri arqalı;
• Steril bolmagan shpric hám medicinalıq ásbaplardan paydalanganda;
• Infekciyalanǵan anadan hámilege, tuwıw waqtında yamasa emiziw dáwirinde.
Sonı aytıp ótiw kerek, AIV qol berip kórisiw, qushaqlasıw, birge awqatlanıw, ulıwma ıdıs-tabaqlardan paydalanıw yamasa jánlik shaǵıw arqalı juqpaydı.
Kesellik belgileri
AIV infekciyasınıń dáslepki basqıshında ayırım jaǵdaylarda temperatura, hálsizlik, limfa túyinleriniń úlkeyiwi baqlanıwı múmkin. Biraq kópshilikte uzaq waqıt dawamında hesh qanday belgiler bolmawı múmkin. Sonıń ushın turaqlı medicinalıq tekseriwden hám testten ótiw áhmiyetli.
Profilaktikalıq ilajlar
AIV infekciyasınıń aldın alıw ushın:
• Salamat turmis tárizine ámel etiw;
• Qorǵanıw qurallarınan duris paydalanıw;
• Tek steril medicinalıq ásbaplardan paydalanıw;
• Donor qanınıń tekseriliwine itibar qaratıw;
• Medicinalıq másláhát tiykarında AIV boyınsha testten ótip turıw zárúr.
Stigma hám kemsitiwge jol qoymaw
AIV benen jasaytuǵın adamlar da jámiyettiń tolıq huqıqlı aǵzaları esaplanadı. Olarǵa kemsitiw hám unamsız múnásibet bildiriw insan huqıqlarına qayshı esaplanadı. Kesellik haqqında anıq hám ilimiy tiykarlanǵan maǵlıwmatlardı tarqatıw jámiyette keńpeyillik hám túsinisiw ortalıǵın qáliplestiredi.
AIV infekciyası haqqında biliw - onıń aldın alıwdıń eń nátiyjeli usıllarınan biri. Hár bir puqara óz salamatlıǵına juwapkershilik penen qatnasta bolıp, profilaktika qaǵıydalarına ámel etse, bul infekciyanıń tarqalıwınıń aldın alıw múmkin. Salamat jámiyet - mámleket rawajlanıwınıń áhmiyetli faktorı.
ШАҢАРАҚ БИР МОЧАЛКАДАН ПАЙДАЛАНЫЎЫ МҮМКИН БЕ? Ҳәр бир шаңарақтың өзине тән гигиеналық әдетлери болады. Айырым үйлерде ҳәмме бир мочалкадан пайдаланса, базылары ҳәтте мочалкадан бир мәртеден артық пайдаланбайды. Қайсы жағдай шынында да гигиена көзқарасынан туўры болса, базылары буған тек ғана әдетленип қалған, болғаны. «Шаңарақлық» мочалкадан пайдаланыў қаншелли дурыс? Буған микробиологлар жуўап береди. Гигиена қағыйдаларына гөре, ҳәр бир адамның жеке мочалкасы ҳәм сүлгиси болыўы шәрт. Тис щёткасын айтпаса да болады. Өйткени ҳәр ким өз микробиозы, бактерияларына ийе болып, олар өзи ушын ғана қәўипсиз. Бирақ басқаларға зыян жеткерип қойыўы мүмкин. Биз айырым микроорганизмлер менен «апақ-шапақ» болып жасаймыз. Олар бәрқулла бизиң микрофлорамызда болады. Егер де оған сырттан жат денелер түссе, ортада қарама-қарсылық келип шығады. Бул ақыбетинде қышыма ҳәм бөртпелер сыяқлы қолайсыз жағдайлардан үлкен кеселликлерге дейин себеп болыўы мүмкин. Әдетте мочалка қурғап үлгермейди, себеби ол ҳәрдайым ығал жерде турады. Сол тәризде ол бактериялар, соның ишинде Staphylococcus aureus (алтын рең стафилококк) көбейиўи ушын қолай шараят жаратады. Бул бактерия көплеген кеселликлерди келтирип шығарыўы мүмкин: безеў (угри) сыяқлы жеңил тери инфекцияларынан баслап менингитге шекем. Кеселлик жуқтырыўдың алдын алыў ушын айрықша мочалкадан пайдаланыў, ислетип болғаннан кейин жақсылап жуўып кептириў талап етиледи.
Шадлық гормонлары туўралы
Денсаўлықтың дәрежелери
Мәмлекетлик медицина қамсызландырыў механизмлерин енгизиў бойынша әмелге асырылатуғын ис-илажлар ҳаққында МАҒЛЫЎМАТ
Биз түрли кеселликлерге қарсы гүресиўде дәрилерге сүйенемиз. Сол себепли, ҳәр бир шаңарақта үлкен бе, киши ме дәри қутысы болады. Ҳәтте дәрилер менен емлениўге қарсы адамлардың үйинде де биринши медициналық жәрдемди көрсетиўге мөлшерленген дәри қутысы бар. Олардан ең керек ўақытларда пайдаланып, дәртимизди жеңиллестиремиз. Усы дәри-дәрмақлардың биз билмеген қандай зыянлары бар? Бүгинги тема тап усы ҳаққында…