AIV INFEKCIYASÍ - JÁMIYET SALAMATLÍǴÍNA QÁWIP

U.Tólepbergenova, QR AIJSna qarsı gúresiw orayı shıpakeri
RA-img

  


Búgingi kúnde dúnya júzinde insan salamatlıǵına úlken qáwip tuwdırıp atırǵan keselliklerdiń biri - AIV (adam immunitet jetispewshiligi virusı) infekciyası bolıp esaplanadı. Bul virus adam immun sistemasın tómenletip, organizmdi túrli infekciyalar hám keselliklerge qarsı gúresiw qábiletinen ayıradı.

AIV infekciyası tiykarınan qan arqalı, qorǵalmaǵan jınısıy qatnas arqalı, sonday-aq, zıyanlanǵan iyne hám shpriclerden paydalanıw nátiyjesinde juǵadı. Sonıń menen birge, virus onnan balaǵa hámiledarlıq, tuwıw yamasa emiziw procesinde de ótiwi múmkin.

Kesellik uzaq waqıt dawamında jasırın ótiwi múmkin. Insan ózin salamat sezse de, virus organizmde rawajlanıwın dawam etedi. Eger óz waqtında anıqlanbasa hám emlew sharaları kórilmese, AIV infekciyası AIJS (Arttırılǵan immunitet jetispewshiligi sindromı) basqıshına ótedi.

Qániygeler AIV infekciyasın erte anıqlawdı júdá áhmiyetli dep esaplaydı. Bunıń ushın xalıq arasında ıqtıyarlı hám jasırın test tapsırıw imkaniyatları jaratılǵan. Zamanagóy medicinada AIV infekciyasın tolıq emlew imkaniyatı bolmasa da, retrovirusqa qarsı terapiya arqalı virus rawajlanıwın tómenletiw hám nawqastıń ómiriniń dawamlılıǵın sozıw múmkin.

AIV infekciyasınıń aldın alıw ushın tómendegi ilajlarǵa ámel etiw zárúr:

• qáwipsiz turmıs tárizine ámel etiw;

• qorgaw qurallarınan paydalanıw;

• tek steril medicinalıq ásbaplardan paydalanıw;

• qan quyıw processlerinde tekserilgen qannan paydalanıw.

Jámiyette AIV menen jasaytuǵın insanlarǵa kemsitiw hám unamsız múnásitbetke jol qoymaw ayrıqsha áhmiyetke iye. Olardı qollap-quwatlaw hám durıs maǵlıwmat beriw arqalı kesellikke qarsı gúresiw nátiyjeliligin arttırıw múmkin.

Juwmaqlap aytqanda, AIV infekciyasına qarsı gúresiw hár bir insannıń juwapkershiligi bolıp tabıladı. Hár birimiz óz salamatlıǵımızǵa biypárwa bolmasaq, jámiyette bul keselliktiń tarqalıwınıń aldın alıw múmkin.

Ең көп оқылғанлар

Гигиена қағыйдалары

ШАҢАРАҚ БИР МОЧАЛКАДАН ПАЙДАЛАНЫЎЫ МҮМКИН БЕ? Ҳәр бир шаңарақтың өзине тән гигиеналық әдетлери болады. Айырым үйлерде ҳәмме бир мочалкадан пайдаланса, базылары ҳәтте мочалкадан бир мәртеден артық пайдаланбайды. Қайсы жағдай шынында да гигиена көзқарасынан туўры болса, базылары буған тек ғана әдетленип қалған, болғаны. «Шаңарақлық» мочалкадан пайдаланыў қаншелли дурыс? Буған микробиологлар жуўап береди. Гигиена қағыйдаларына гөре, ҳәр бир адамның жеке мочалкасы ҳәм сүлгиси болыўы шәрт. Тис щёткасын айтпаса да болады. Өйткени ҳәр ким өз микробиозы, бактерияларына ийе болып, олар өзи ушын ғана қәўипсиз. Бирақ басқаларға зыян жеткерип қойыўы мүмкин. Биз айырым микроорганизмлер менен «апақ-шапақ» болып жасаймыз. Олар бәрқулла бизиң микрофлорамызда болады. Егер де оған сырттан жат денелер түссе, ортада қарама-қарсылық келип шығады. Бул ақыбетинде қышыма ҳәм бөртпелер сыяқлы қолайсыз жағдайлардан үлкен кеселликлерге дейин себеп болыўы мүмкин. Әдетте мочалка қурғап үлгермейди, себеби ол ҳәрдайым ығал жерде турады. Сол тәризде ол бактериялар, соның ишинде Staphylococcus aureus (алтын рең стафилококк) көбейиўи ушын қолай шараят жаратады. Бул бактерия көплеген кеселликлерди келтирип шығарыўы мүмкин: безеў (угри) сыяқлы жеңил тери инфекцияларынан баслап менингитге шекем. Кеселлик жуқтырыўдың алдын алыў ушын айрықша мочалкадан пайдаланыў, ислетип болғаннан кейин жақсылап жуўып кептириў талап етиледи.

Оптимистлер узақ жасайды

Замира Мадраимова, Нөкис қалалық 1-санлы шаңарақ поликлиникасының улыўма әмелият шыпакери

Шадлық гормонлары туўралы

Шүкирлик етпеймиз…

  

Аёллар саҳифаси

  

ҲАҚЫЙҚЫЙ САЛАМАТЛЫҚ ДЕГЕН НЕ?

Ж. Данебаев

Денсаўлықтың дәрежелери

«Мәмлекетлик медициналық қамсызландырыў механизмлерин енгизиўге байланыслы илажлар ҳаққында»ғы Президент Қарары қабыл етилди

Қурал Жалғасбаевич Камалов, Мәмлекетлик медициналық қамсызландырыў қоры аймақлық бөлими баслығы

Мәмлекетлик медицина қамсызландырыў механизмлерин енгизиў бойынша әмелге асырылатуғын ис-илажлар ҳаққында  МАҒЛЫЎМАТ

ДӘРИ ҚАШАН ЗӘҲӘРГЕ АЙЛАНАДЫ?

Биз түрли кеселликлерге қарсы гүресиўде дәрилерге сүйенемиз. Сол себепли, ҳәр бир шаңарақта  үлкен бе, киши ме дәри қутысы болады. Ҳәтте дәрилер менен емлениўге қарсы адамлардың үйинде де биринши медициналық жәрдемди көрсетиўге мөлшерленген дәри қутысы бар. Олардан ең керек ўақытларда пайдаланып, дәртимизди жеңиллестиремиз. Усы дәри-дәрмақлардың биз билмеген қандай зыянлары бар? Бүгинги тема тап усы ҳаққында…

Категориялар