Suwsizlaniw yaki degidrataciya bul-organizmda suw jetispewshiligi menen keshiwshi suw duz ten’ salmaqlilig’inin’ buziliwi bolip tabiladi. Jas balalarda degidrataciyanin ko’p ushraytug’in sebeplerinin’ biri ish o’tiwi ham qusiw yag’niy diareya belgilerinin’ juzege keliwi. Balalarda suwsizlaniw uzaq dawam etiwi aqibetinde bala organiziminde barliq organlarda o’zgerisler payda boladi ham bunin’ darxal emlew ilajlari ko’rilmese asqiniw payda boladi. Balalar kunine 3 marteden ko’p ishi o’tse yamasa qayt qilsa darxal emlew ilajlarin ko’riwimiz shart.
Balag’a quraminda duz bolg’an eritpeler, oral regidrataciya ushin arnawli eritpeler – ORSA, Regidron eritpeleri ishiriw kerek.
Eger regidrataciyani apiwayi suw menen o’tkersek qan plazmasinda duz normadan tusip ketiwi aqibetinde isikler payda boladi.
Balada ish o’tiw belgisi payda bolg’annan darxal jergilikli aymag’inizdag’i poliklinikalarg’a murajat etip Oral regidrataciya xanalarinda emlew ilajlarin aliwin’izdi maslaxat beremiz, sebebi balada suwsizlaniw darejesi artqan sayin onin’ axwali awirlasip emlew stacionar sharayatta alip bariwg’a shekem dawam etiwi mumkin.
Juqpali kesellikler bo’liminde balag’a inekciya ko’rinisinde emlew ilajlari a’melge asiriladi bul o’z gezeginde materyalliq qarji talap etse sonin menen birge juqpali kesellikler bo’liminde har qiyli juqpali kesellikler juqtirip aliw mumkinligin esletip o’temiz.
Respublikamiz aymag’inda poliklinikalarda balalar arasinda diareya keselligin erte aniqlap emlew maqsetinde 1-may sanesinen Oral regidrataciya punktleri sho’lkemlestirildi, bul biypul amelge asiriladi. Bul balalarg’a ambulator sharayatta ko’rsetiletug’in emlew ilaji bolip, balanin’ dene massasina qarap duzli eritpe buyiriladi, ha’r kuni nawqas shipaker baqlawinda boladi.
ШАҢАРАҚ БИР МОЧАЛКАДАН ПАЙДАЛАНЫЎЫ МҮМКИН БЕ? Ҳәр бир шаңарақтың өзине тән гигиеналық әдетлери болады. Айырым үйлерде ҳәмме бир мочалкадан пайдаланса, базылары ҳәтте мочалкадан бир мәртеден артық пайдаланбайды. Қайсы жағдай шынында да гигиена көзқарасынан туўры болса, базылары буған тек ғана әдетленип қалған, болғаны. «Шаңарақлық» мочалкадан пайдаланыў қаншелли дурыс? Буған микробиологлар жуўап береди. Гигиена қағыйдаларына гөре, ҳәр бир адамның жеке мочалкасы ҳәм сүлгиси болыўы шәрт. Тис щёткасын айтпаса да болады. Өйткени ҳәр ким өз микробиозы, бактерияларына ийе болып, олар өзи ушын ғана қәўипсиз. Бирақ басқаларға зыян жеткерип қойыўы мүмкин. Биз айырым микроорганизмлер менен «апақ-шапақ» болып жасаймыз. Олар бәрқулла бизиң микрофлорамызда болады. Егер де оған сырттан жат денелер түссе, ортада қарама-қарсылық келип шығады. Бул ақыбетинде қышыма ҳәм бөртпелер сыяқлы қолайсыз жағдайлардан үлкен кеселликлерге дейин себеп болыўы мүмкин. Әдетте мочалка қурғап үлгермейди, себеби ол ҳәрдайым ығал жерде турады. Сол тәризде ол бактериялар, соның ишинде Staphylococcus aureus (алтын рең стафилококк) көбейиўи ушын қолай шараят жаратады. Бул бактерия көплеген кеселликлерди келтирип шығарыўы мүмкин: безеў (угри) сыяқлы жеңил тери инфекцияларынан баслап менингитге шекем. Кеселлик жуқтырыўдың алдын алыў ушын айрықша мочалкадан пайдаланыў, ислетип болғаннан кейин жақсылап жуўып кептириў талап етиледи.
Шадлық гормонлары туўралы
Денсаўлықтың дәрежелери
Мәмлекетлик медицина қамсызландырыў механизмлерин енгизиў бойынша әмелге асырылатуғын ис-илажлар ҳаққында МАҒЛЫЎМАТ
Биз түрли кеселликлерге қарсы гүресиўде дәрилерге сүйенемиз. Сол себепли, ҳәр бир шаңарақта үлкен бе, киши ме дәри қутысы болады. Ҳәтте дәрилер менен емлениўге қарсы адамлардың үйинде де биринши медициналық жәрдемди көрсетиўге мөлшерленген дәри қутысы бар. Олардан ең керек ўақытларда пайдаланып, дәртимизди жеңиллестиремиз. Усы дәри-дәрмақлардың биз билмеген қандай зыянлары бар? Бүгинги тема тап усы ҳаққында…