Илимий-әмелий конференция болып өтти
Усы жылдың 21-май күни Нөкис қаласындағы Жаслар орайының мәжилислер залында «Аралбойында киши жастағы балалар азықланыўының әҳмийетли мәселелери» атамасындағы илимий-әмелий конференция болып өтти. Оған Қарақалпақстан Республикасы ҳәм Хорезм ўәлаятының қала-районлары медицина бирлеспелеринен 200 ден артық шаңарақлық шыпакерлери менен педиатрлары қатнасты.
Бул конференция «Ана сүти менен азықландырыўды қоллап-қуўатлаў ҳәм нәрестелер, киши жастағы балалар азық-аўқат өнимлерине байланыслы талаплар ҳаққында»ғы Өзбекстан Республикасы Нызамында көрсетилген мәселелер шеңберинде шөлкемлестирилген болып, жетекши қәниге-илимпазлар тәрепинен бир қатар баянатлар исленди.
Атап айтқанда, Республикалық балалар көп тармақлы медицина орайының бас шыпакери, медицина илимлери кандидаты, доцент Алима Маткаримова «Нәрестелер ушын ана сүтиниң әҳмийети» атамасында, Ташкент медицина академиясының Үргениш филиалы педиатрия кафедрасы доценти М.Алимухаммедова «Соғлом авлодни вояга етказишда тўғри овқатланишнинг аҳамияти» атамасында ҳәм Россия Федерациясының Москва қаласында жайласқан Патрис Лумумба атындағы Халықлар дослығы университети, медицина факультетиниң педиатрия кафедрасы қәнигеси ҳәм балалардың рационал аўқатланыўы бойынша ҒМДА (СНГ) мәмлекетлери эксперти Сергей Украинцев «Младенческие колики: о чем плачут дети и как этого избежать?» атамасындағы әҳмийетли баянатлары менен белсенди қатнасты.
Конференция даўамында жергиликли шаңарақлық шыпакерлер ҳәм педиатрлар өзлериниң билим ҳәм тәжирийбелерин асырып, әмелий көнликпелерин еле жетилистириў имканиятына ийе болды.
ШАҢАРАҚ БИР МОЧАЛКАДАН ПАЙДАЛАНЫЎЫ МҮМКИН БЕ? Ҳәр бир шаңарақтың өзине тән гигиеналық әдетлери болады. Айырым үйлерде ҳәмме бир мочалкадан пайдаланса, базылары ҳәтте мочалкадан бир мәртеден артық пайдаланбайды. Қайсы жағдай шынында да гигиена көзқарасынан туўры болса, базылары буған тек ғана әдетленип қалған, болғаны. «Шаңарақлық» мочалкадан пайдаланыў қаншелли дурыс? Буған микробиологлар жуўап береди. Гигиена қағыйдаларына гөре, ҳәр бир адамның жеке мочалкасы ҳәм сүлгиси болыўы шәрт. Тис щёткасын айтпаса да болады. Өйткени ҳәр ким өз микробиозы, бактерияларына ийе болып, олар өзи ушын ғана қәўипсиз. Бирақ басқаларға зыян жеткерип қойыўы мүмкин. Биз айырым микроорганизмлер менен «апақ-шапақ» болып жасаймыз. Олар бәрқулла бизиң микрофлорамызда болады. Егер де оған сырттан жат денелер түссе, ортада қарама-қарсылық келип шығады. Бул ақыбетинде қышыма ҳәм бөртпелер сыяқлы қолайсыз жағдайлардан үлкен кеселликлерге дейин себеп болыўы мүмкин. Әдетте мочалка қурғап үлгермейди, себеби ол ҳәрдайым ығал жерде турады. Сол тәризде ол бактериялар, соның ишинде Staphylococcus aureus (алтын рең стафилококк) көбейиўи ушын қолай шараят жаратады. Бул бактерия көплеген кеселликлерди келтирип шығарыўы мүмкин: безеў (угри) сыяқлы жеңил тери инфекцияларынан баслап менингитге шекем. Кеселлик жуқтырыўдың алдын алыў ушын айрықша мочалкадан пайдаланыў, ислетип болғаннан кейин жақсылап жуўып кептириў талап етиледи.
Шадлық гормонлары туўралы
Денсаўлықтың дәрежелери
Мәмлекетлик медицина қамсызландырыў механизмлерин енгизиў бойынша әмелге асырылатуғын ис-илажлар ҳаққында МАҒЛЫЎМАТ
Биз түрли кеселликлерге қарсы гүресиўде дәрилерге сүйенемиз. Сол себепли, ҳәр бир шаңарақта үлкен бе, киши ме дәри қутысы болады. Ҳәтте дәрилер менен емлениўге қарсы адамлардың үйинде де биринши медициналық жәрдемди көрсетиўге мөлшерленген дәри қутысы бар. Олардан ең керек ўақытларда пайдаланып, дәртимизди жеңиллестиремиз. Усы дәри-дәрмақлардың биз билмеген қандай зыянлары бар? Бүгинги тема тап усы ҳаққында…