Мектеп директорының ата-аналарға хаты:

RA-img

Ҳүрметли ата-аналар!


Жақында балаларыңыздың имтиханлары бар. Билемен, олардың имтиханларды жақсы тапсырыўын уўайымлап, сиз жүдә қәўетердесиз.

Бирақ, мен мыналарды еслеп қалғаныңызды қәлеймен: имтихан тапсыратуғын балалардың арасында математика қәжет емес актерлар бар. Әдебият тарийхын түсиниў шәрт емес исбилерменлер де бар. Музыкашылар бар, олар ушын химия пәнинен баҳалар әҳмийетли емес. Физикадан гөре дене шынығыўы сабағынан үлгериўи әҳмийетлирек спортшы да бар.

Егер сизиң балаңыз жоқары балл алса, бул жүдә жақсы! Бирақ егер олай болмаса, оның өзин-өзи баҳалаўы менен қәдир-қымбатын жоқ қылмаң. Оған: «Болады балам, бул әпиўайы имтихан-ғо» деп айтыңыз. Алдында оларды буннан да маңызлы жумыслар күтип тур. Оларға айтып қойың, баҳаларына қарамастан, сиз оларды бәри бир жақсы көре бересиз ҳәм ҳеш қашан оларды айыпламайсыз.

Өтинемен, сизден сорағанымды орынлаңыз, кейин... балаңыздың жетискенликлерин көресиз. Бир имтихан ямаса жаман баҳа оның әрманын, талантын алып қоймайды. Ҳәм тек шыпакерлер, юристлер ҳәм банктегилер ғана бахытлы бола алады деп ойлағанды тоқтатың.

 

Ийгиликли тилеклер менен…

Ең көп оқылғанлар

Гигиена қағыйдалары

ШАҢАРАҚ БИР МОЧАЛКАДАН ПАЙДАЛАНЫЎЫ МҮМКИН БЕ? Ҳәр бир шаңарақтың өзине тән гигиеналық әдетлери болады. Айырым үйлерде ҳәмме бир мочалкадан пайдаланса, базылары ҳәтте мочалкадан бир мәртеден артық пайдаланбайды. Қайсы жағдай шынында да гигиена көзқарасынан туўры болса, базылары буған тек ғана әдетленип қалған, болғаны. «Шаңарақлық» мочалкадан пайдаланыў қаншелли дурыс? Буған микробиологлар жуўап береди. Гигиена қағыйдаларына гөре, ҳәр бир адамның жеке мочалкасы ҳәм сүлгиси болыўы шәрт. Тис щёткасын айтпаса да болады. Өйткени ҳәр ким өз микробиозы, бактерияларына ийе болып, олар өзи ушын ғана қәўипсиз. Бирақ басқаларға зыян жеткерип қойыўы мүмкин. Биз айырым микроорганизмлер менен «апақ-шапақ» болып жасаймыз. Олар бәрқулла бизиң микрофлорамызда болады. Егер де оған сырттан жат денелер түссе, ортада қарама-қарсылық келип шығады. Бул ақыбетинде қышыма ҳәм бөртпелер сыяқлы қолайсыз жағдайлардан үлкен кеселликлерге дейин себеп болыўы мүмкин. Әдетте мочалка қурғап үлгермейди, себеби ол ҳәрдайым ығал жерде турады. Сол тәризде ол бактериялар, соның ишинде Staphylococcus aureus (алтын рең стафилококк) көбейиўи ушын қолай шараят жаратады. Бул бактерия көплеген кеселликлерди келтирип шығарыўы мүмкин: безеў (угри) сыяқлы жеңил тери инфекцияларынан баслап менингитге шекем. Кеселлик жуқтырыўдың алдын алыў ушын айрықша мочалкадан пайдаланыў, ислетип болғаннан кейин жақсылап жуўып кептириў талап етиледи.

Оптимистлер узақ жасайды

Замира Мадраимова, Нөкис қалалық 1-санлы шаңарақ поликлиникасының улыўма әмелият шыпакери

Шадлық гормонлары туўралы

Шүкирлик етпеймиз…

  

Аёллар саҳифаси

  

ҲАҚЫЙҚЫЙ САЛАМАТЛЫҚ ДЕГЕН НЕ?

Ж. Данебаев

Денсаўлықтың дәрежелери

«Мәмлекетлик медициналық қамсызландырыў механизмлерин енгизиўге байланыслы илажлар ҳаққында»ғы Президент Қарары қабыл етилди

Қурал Жалғасбаевич Камалов, Мәмлекетлик медициналық қамсызландырыў қоры аймақлық бөлими баслығы

Мәмлекетлик медицина қамсызландырыў механизмлерин енгизиў бойынша әмелге асырылатуғын ис-илажлар ҳаққында  МАҒЛЫЎМАТ

ДӘРИ ҚАШАН ЗӘҲӘРГЕ АЙЛАНАДЫ?

Биз түрли кеселликлерге қарсы гүресиўде дәрилерге сүйенемиз. Сол себепли, ҳәр бир шаңарақта  үлкен бе, киши ме дәри қутысы болады. Ҳәтте дәрилер менен емлениўге қарсы адамлардың үйинде де биринши медициналық жәрдемди көрсетиўге мөлшерленген дәри қутысы бар. Олардан ең керек ўақытларда пайдаланып, дәртимизди жеңиллестиремиз. Усы дәри-дәрмақлардың биз билмеген қандай зыянлары бар? Бүгинги тема тап усы ҳаққында…

Категориялар